Vi er glade for at vi, i samhandling med kommunelegen i Hareid kan opne for å ta imot inntil 50 personar i Hareid kyrkje, med dei smitteverntiltaka som er gjeldane til ei kvar tid. Desse kan raskt endre seg og kan vere ulik frå kommune til kommune.
I høve dåp, vigsel og gravferd: Det er familien i høve dåp, vigsel eller gravferd som tildeler plassane for inntil 50 personar.
GUDSTENESTER (med påmelding)
Frå søndag 17. mai, kan vi samlast til gudsteneste i kyrkja, med inntil 50 personar. For å kunne halde seg til dette antalet, må ein melde seg på gudstenesta på førehand.
Påmelding gudsteneste: Vi lagar ei hending på facebook der folk kan skrive seg på, eller ein kan ringe kyrkjekontoret (tlf 70095130) og melde seg på, der vi noterer fortløpande antal. Det vil gjelde «først til mølla». Ein kan ikkje rekne med å få plass dersom ein møter opp til kyrkje utan å ha meldt seg på.
Vi streamer gudstenesta, slik at ein kan sjå den på Hareid kyrkje si facebookside. Dersom situasjonen framover blir den same (maks 50), er planen å ha påmeldingsgudstenester kvar søndag, med omsyn til både nasjonale og lokale anbefalingar og påbod i høve smittevern.
Blir same påmeldingsmåte. Har du spørsmål er det berre å ta kontakt med kyrkjekontoret.
DÅP
Vi tilrettelegg eigne dåpsgudstenester, fortløpande med familie til stades.Ta kontakt med kyrkjekontoret for å melde til dåp og for å få meir informasjon.
VIGSEL
Vi utfører vigsel som planlagt, men etter lokale og nasjonale retningslinjer. Ta kontakt med oss dersom du skal gifte deg eller har spørsmål om vigsel i Hareid.
GRAVFERD
Gravferder vert gjennomført med pårørande til stades. Vi tilrettelegg for familien og dei næraste rundt avdøde. Viktig at alle respekterer dette, og heller viser si omsorg på andre måtar enn å møte til gravferdsseremoni. Kun inviterte kan møte til seremoni.
KONFIRMASJON
Etter anbefaling frå kyrkja nasjonalt har vi utsatt konfirmasjon til hausten 2020. Desse planleggast som normalt inntil vidare, konfirmantane har fått informasjon tilsendt.
For neste konfirmasjonskull (våren 2021) vil det bli innskriving i Hareid kyrkje den 7. juni 2020, kl 1100 og kl 1200. Sjå informasjonsbrosjyre sendt i posten til ungdomane.
KYRKJEKONTORET
Kyrkjekontoret er stengt for besøkande, men du kan nå oss per telefon 70095130 eller per epost kyrkjekontoret@hareid.kommune.no.
Siste nytt om korona-viruset på Hareid kommune si heimeside: https://www.hareid.kommune.no/fokusnyhende/fa-siste-nytt-om-koronaviruset-og-status-i-hareid-kommune.86158.aspx
Les meir på Folkehelseinstituttet: https://www.fhi.no/